Нэг. Ерөнхий зүйл

“www.aktstore.mn” цахим худалдааны сайт нь "АКТ ЭМ ЭН" ХХК-ийн албан ёсны вэб сайт бөгөөд энэхүү үйлчилгээний нөхцөл нь уг цахим худалдааны сайтаар үйлчлүүлэх, худалдан авалт хийхтэй холбоотой үүсэх харилцааг зохицуулахад оршино.
Хэрэглэгч нь “www.aktstore.mn”-д нэвтэрч, бүртгүүлэхээс өмнө Үйлчилгээний нөхцөл, Нууцлалын бодлоготой бүрэн танилцах үүрэгтэй. Хэрэглэгч нь бүртгүүлэх товчийг дарснаар Үйлчилгээний нөхцөл, Нууцлалын бодлоготой бүрэн танилцаж, эдгээр нөхцөл, бодлогод заасан нөхцөлүүдийг хүлээн зөвшөөрсөнд тооцно.
Хэрэв Хэрэглэгч Үйлчилгээний нөхцөл, Нууцлалын бодлогыг хүлээн зөвшөөрөхгүй тохиолдолд хүлээн зөвшөөрөхөөс татгалзах эрхтэй. Татгалзсан тохиолдолд “www.aktstore.mn”-г зориулалтын дагуу бүрэн ашиглах боломжгүй байна.
Энэхүү үйлчилгээний нөхцөлийн хэрэгжилтэд "АКТ ЭМ ЭН" ХХК /цаашид компани гэх/ болон хэрэглэгч нар хамтран хяналт тавина.
Вэб сайтын ажиллагаа, түүний аюулгүй байдал, цахим худалдааны сайтын хэрэглэгчдийн мэдээллийн нууцлалыг "АКТ ЭМ ЭН" ХХК нь “Нууцлалын бодлого”-ын дагуу хариуцна.
Үйлчилгээ авах боломжит хэрэглэгч нь иргэний эрх зүйн бүрэн чадамжтай иргэн, хуулийн этгээд байна.
Үйлчилгээний нөхцөлд хэрэглэсэн нэр томьёог дор дурдсан утгаар ойлгоно. Үүнд:
“Цахим гарын үсэг” гэж Хэрэглэгчийг танин баталгаажуулах үйл ажиллагаанд хэрэглэж буй нэвтрэх нууц үг, баталгаажилтын нэг удаагийн нууц үг болон бусад цахим өгөгдлийг тус тус ойлгоно.
“Хандах эрх” гэж бизнес харилцагч өөрийн үйл ажиллагааны онцлогоос шалтгаалан хэд хэдэн эрхээр захиалга үүсгэх боломжтой ба тухайн эрхийн тохируулгыг хийх цэс юм.

Хоёр. Хэрэглэгч бүртгүүлэх

Хэрэглэгчээр бүртгүүлэхдээ “www.aktstore.mn” цахим худалдааны сайтын Нэвтрэх хэсгийг сонгон “Бүртгүүлэх” гэсэн товчийг дарж, өөрийн цахим шуудангийн хаяг эсвэл утасны дугаараар бүртгүүлнэ. Мөн Gmail/Facebook хаягаараа шууд бүртгүүлэх боломжтой.
“www.aktstore.mn”-ээс Хэрэглэгчийн бүртгүүлсэн цахим хаяг эсвэл гар утасны дугаарт нэвтрэх нэг удаагийн нууц үгийг илгээнэ. Хэрэглэгч нь тухайн цахим гарын үсгээр нэвтэрсний дараа нэвтрэх шинэ нууц үг болох өөрийгөө тодорхойлох цахим гарын үсэг зохиож, өөрийн хувийн мэдээллийн аюулгүй байдлыг хангах үүрэгтэй.
“www.aktstore.mn”-д Хэрэглэгчээр бүртгүүлсэнээр бараа бүтээгдэхүүн захиалах, хүслийн жагсаалт үүсгэх, өөрийн захиалгыг хянах, хөнгөлөлт, урамшуулал, хямдралын мэдээллийг харах боломжтой болно.

Гурав. Хэрэглэгчийн анхаарах зүйлс

Цахим худалдааны тэмдэгтүүд нь "АКТ ЭМ ЭН" ХХК-ийн өмч бөгөөд бараа бүтээгдэхүүний тэмдэгтүүд нь Брэндүүдийн өмч болно. Энэхүү вэб сайтын лого, нэр бусад загварыг хуулбарлах, олшруулах, дуурайх зэргээр хууль бусаар ашиглахыг хориглоно.
Хэрэглэгч нь “www.aktstore.mn”-д нэвтрэх цахим шуудан болон цахим гарын үсгийг бусдад дамжуулахгүй байх, нууцлах, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас өөрт болон бусдад учирсан аливаа хохирлыг Хэрэглэгч бүрэн хариуцна.
Хэрэглэгч “www.aktstore.mn”-ийн талаар санал гомдол, шинэ санаа, шүүмж зэргийг чөлөөтэй илэрхийлэх, илгээх эрхтэй бөгөөд contact@akt.mn албан ёсны цахим хаягаар имэйл илгээх боломжтой.
Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээх бөгөөд хувийн мэдээлэл өөрчлөгдсөн бол мэдээллээ шинэчлэх үүрэгтэй.
Захиалгын төлбөр төлөхдөө “дансны дугаар, мөнгөн дүн, гүйлгээний утга”-ыг зөв оруулж сайтар нягталсны дараа баталгаажуулах бөгөөд буруу оруулсанаас үүсэх хариуцлагыг хэрэглэгч өөрөө хүлээнэ.
Хэрэглэгч нэгэн зэрэг хэдэн ч худалдан авалт хийх боломжтой.

Дөрөв. Захиалга үүсгэх, баталгаажих, цуцлах

Захиалга үүсгэх

Хэрэглэгч www.aktstore.mn цахим худалдааны сайтыг ашиглан 24 цагийн аль ч цагт хэдэн ч удаа захиалга хийх боломжтой.
Хэрэглэгч захиалга хийхдээ бараа бүтээгдэхүүний дэлгэрэнгүй мэдээлэл, танилцуулга болон тухайн брэнд бүтээгдэхүүнтэй холбоотой сертификатууд, ашиглалтын болон угсралтын зааварчилгаатай сайтар танилцаж, судлах шаардлагатай.
Цахим худалдааны сайтаас бараа бүтээгдэхүүний албан ёсны брэнд, бүтээгдэхүүний нэр, код зэрэг бүхий л мэдээллийг авах боломжтой. Хэрэглэгч илүү дэлгэрэнгүй мэдээлэл хүсвэл тухайн брэнд бүтээгдэхүүний албан ёсны вэб сайт болон бусад мэдээллийн сувгийг ашиглан судлах боломжтой юм.
Хэрэглэгч захиалж буй барааны мэдээллийг бүрэн хянаагүйгээс болж, захиалгын төлбөр төлөгдсөн эсвэл хүргэгдэн очсоны дараа захиалгыг буцаах хүсэлтийг цахим худалдааны сайт хүлээн авах, барааг буцаах боломжгүй.

Захиалга баталгаажих

Хэрэглэгч нь захиалга хийснээс хойш 24 цагийн дотор зааврын дагуу төлбөрийг 100 хувь шилжүүлснээр захиалга автоматаар баталгаажих бөгөөд энэ хугацаанд төлбөр төлөөгүй тохиолдолд захиалсан бараа бүтээгдэхүүний тоо хэмжээ нөөцлөгдөхгүй.
Хэрэглэгч захиалга хийх, төлбөр төлөх, бараа хүлээж авах бүрт хэрэглэгчийн бүртгүүлсэн цахим шууданд мэдэгдэл илгээнэ. Уг мэдэгдэлд захиалгын дэлгэрэнгүй мэдээлэл, захиалгын нийт дүн, төлбөр гүйцэтгэх хэлбэр, төлбөр хүлээн авагч байгууллагын нэр, дансны дугаар зэргийг ойлгомжтой хэлбэрээр оруулсан байна.
Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний захиалгууд” хэсгээс захиалгын тухай дэлгэрэнгүй мэдээллийг харах боломжтой.

Захиалга цуцлагдах

Захиалгын төлбөрийг 24 цагийн дотор төлөөгүй тохиолдолд захиалга автоматаар цуцлагдах болно. Нэгэнт цуцлагдсан захиалгыг дахин сэргээх боломжгүй бөгөөд хэрэглэгч хүсвэл захиалгыг дахин шинээр үүсгэн, худалдан авах товч дарж, шууд захиалах боломжтой.
Хэрэглэгчийн зүгээс захиалгын төлбөр гүйцэтгэгдсэн бол тус захиалгыг буцаах, цуцлах боломжгүй.
Худалдан авсан бараа бүтээгдэхүүний НӨАТ-ын баримтыг компани хэрэглэгчийн бүртгүүлсэн цахим хаягаар илгээнэ.

Тав. Хүргэлт

Хэрэглэгч нь нэг удаагийн захиалгыг хэдэн ч хаягт хүргүүлэх боломжтой.
Нэг удаагийн захиалгаар бүтээгдэхүүнийг өөр өөр хаягт хуваан хүргүүлэх тохиолдолд “Дэлгэрэнгүй хаяг” хэсэгт мэдээллийг тодорхой бичих эсвэл худалдааны зөвлөхтэй холбогдон мэдээллээ бүртгүүлэх боломжтой.
Хэрэглэгчийн худалдан авалтын дүн 2,000,000 (хоёр сая) төгрөг ба түүнээс дээш болсон тохиолдолд бараа бүтээгдэхүүнийг Улаанбаатар хотын А бүсчлэлд үнэгүй хүргэж өгнө.
Худалдан авалтын үнийн дүн 2,000,000 (хоёр сая) төгрөгөөс доош болсон тохиолдолд тухайн худалдан авч буй бүтээгдэхүүнээс хамааран шоүрүүм эсвэл агуулахын байрнаас очиж авах, эсвэл нэмэлт төлбөртэйгээр хүргүүлэх боломжтой.
Хотын А бүсээс гадна хүргүүлэх тохиолдолд нэмэлт төлбөр төлөх бөгөөд нэмэлт төлбөрийг төлснөөр хүргэлт хийгдэнэ.
Захиалгын төлбөр хийгдсэнээс хойш хүргэлтийн бүсэд хүргэх хугацаа 24 цаг байна.
Давагдашгүй хүчин зүйл буюу бүх нийтийн амралтын өдрүүд, цаг агаарын нөхцөл байдал, бүх нийтийг хамарсан хөл хорио болон бусад хүчин зүйлийн улмаас тээвэрлэлт саатсан тохиолдолд хэрэглэгчид нэн даруй мэдэгдэнэ.
Хэрэглэгч хүргүүлэх хаяг, холбоо барих утасны дугаараа /маш тодорхой/ үнэн зөв бөглөх үүрэгтэй ба буруу мэдээллээс үүдэн гарах зардал, алдагдлыг хэрэглэгч хариуцна. Хүргэлт хийгдэх цагаар утсаа нээлттэй байлгах, хаяг дээрээ эзэнтэй байх зайлшгүй шаардлагатай.
Хэрэглэгч батлагдсан захиалга хүргэлтээр гарсаны дараа хүргэлтийн хаягаа өөрчлөх тохиолдолд 88738030 утсаар холбогдож хаягаа өөрчлүүлэх ба хүргэлтийн хаяг өөрчлөгдсөнтэй холбоотой аливаа зардал гарвал хэрэглэгч бүрэн хариуцна.
Хэрэглэгч барааг хүлээн авахдаа хүргэлтийн мэдээлэлд үлдээсэн барааг хүлээн авагчийг нотлох бичиг баримтаа хүргэлтийн ажилтанд шалгуулж, барааны бүрэн бүтэн байдлыг нэг бүрчлэн шалгаж, гарын үсэг зурж хүлээн авна. Хүлээн авснаас хойш бараа материалын өнгө загвар, хэмжээ, бүрэн бүтэн байдалтай холбогдон гарах аливаа асуудал, гомдлыг компани хариуцахгүй болно.

Зургаа. Бараа буцаах, солих нөхцөл

Хэрэглэгч захиалгаа баталгаажуулахдаа тус системд байгаа барааны дэлгэрэнгүй танилцуулга, мэдээлэл, тоо хэмжээ, үнийг сайтар судлах зайлшгүй шаардлагатай бөгөөд Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн очсоны дараа захиалгыг буцаах хүсэлтийг худалдааны систем хүлээн авах, барааг буцаах боломжгүй. Системээс барааны албан ёсны брэнд, бүтээгдэхүүний нэр, код зэрэг бүхий л мэдээллийг бүрэн авах боломжтой тул худалдан авч буй барааны талаар мэдээллээ захиалга баталгаажуулахаас өмнө судлах боломжтой юм.
Хэрэглэгч бараа бүтээгдэхүүнийг буцаах, солих хүсэлтийг хуанлийн 5 хоногийн дотор багтаан гаргах ба дараах 2 тохиолдолд бараа бүтээгдэхүүн буцаах, солих хүсэлт гаргах эрхтэй. Үүнд:
Бараа бүтээгдэхүүнийг хүргэлтээр хүлээн авах үед тухайн бүтээгдэхүүн үйлдвэрийн доголдолтой болон гэмтэлтэй нь нотлогдсон
Захиалсан бүтээгдэхүүнээс өөр бүтээгдэхүүн буюу өнгө, загвар, код, хэмжээ зөрсөн тохиолдолд
Хэрэглэгчид бүтээгдэхүүнийг хүлээлгэж өгснөөс хойшхи бараа бүтээгдэхүүний эвдрэл гэмтлийг компани хариуцахгүй бөгөөд тухайн гэмтэлтэй бараа бүтээгдэхүүнийг буцаах боломжгүй.

Долоо. Бусад

Энэхүү үйлчилгээний нөхцөлийн заалтууд нь өөрчлөгдөх боломжтой. Хэрэв “www.aktstore.mn” худалдааны системийн үйлчилгээний нөхцөл өөрчлөгдөх, шинэчлэгдэх тохиолдолд Хэрэглэгчийн бүртгүүлсэн цахим хаяг руу тухай бүрт нь мэдээлэл явуулж танилцуулж байна.
Хэрэглэгчийг захиалга хийгдэх үед хүчинтэй байсан үйлчилгээний нөхцөл захиалга хүлээж авах хугацаанд өөрчлөгдсөн тохиолдолд өмнөх үйлчилгээний нөхцөлийг бараа хүлээж авах хүртэлх хугацаанд хүчинтэйд тооцох болно.